Lineto(-di-cinq-estamino)
Moehringia pentandra
Caryophyllaceae
Nom en français : Sabline à cinq étamines.
Descripcioun :Aquesto lineto, pulèu raro, trachis dins lis esboudèu, li sablo e sus li cengle. Coume tóuti li meno dóu gènre Moehringia, s'atrobo un meno de biasso pèr li fournigo sus la grano que l'emporton pèr nourri si babo, l'elaiosome (vèire la fotò à man drecho). Li fueio soun larjo e pecouiado emé quàsi ges de péu (aleva sus lou pecou). Se recounèis tambèn à si grano picoutado. Apoundèn que souvènti fes i'a ges de petalo.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 5 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Moehringia
Famiho : Caryophyllaceae
Ordre : Caryophyllales
Coulour de la flour :
Blanco
Petalo : 5
Ø (o loungour) flour : 1,5 à 2 mm
Flourido : Printèms
Sòu : Ca (Si)
Autour basso e auto : 0 à 1200 m
Aparado : Noun
Abriéu à jun
Liò : Esboudèu
- Cengle
- Sablo
- Bos clar
Estànci : Mesoumediterran à Subremediterran
Couroulougi : Eurimediterrano
Ref. sc. : Moehringia pentandra J.Gay, 1832
(= Moehringia trinervia subsp. pentandra (J.Gay) Nyman, 1878 )
Basile(-dis-Aup)
Clinopodium alpinum
Lamiaceae Labiaceae
Noms en français : Calament des Alpes, Sarriette des Alpes.
Descripcioun :Basile, forço proche dóu pichot-basile que se rescontre en mountagno. A peréu uno gibo sus lou calice di proun pelous, la flour es uno pau mai vióuleto. Coume soun cousin sènt qu'embaumo.
Usanço :Dèu agué li mémi prouprieta que lou pichot-basile emai n'en sachen pas mai.
Port : Erbo
Taio : Pancaro entresigna
Fueio : óupousado
Tipe bioulougico : Camefite
Cicle bioulougico : Planto renadivo
Gènre : Clinopodium
Famiho : Lamiaceae
Famiho classico : Labiaceae
Coulour de la flour :
Roso
Petalo : irreguliero
Ø (o loungour) flour : Pancaro entresigna
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Liò : Mountagno mejano
- Roucaio
- Prado umido
Estànci :
Pancaro entresigna
Couroulougi :
Pancaro entresigna
Ref. sc. : Clinopodium alpinum (L.) Kuntze, 1891
